A Asociación Española Contra o Cáncer de Ourense iniciou unha campaña de sensibilización e concienciación que ten como obxectivo a conmemoración do 19 de outubro, Día contra o cáncer de mama. Con tal motivo, solicitan a colaboración do campus de Ourense para dar difusión á campaña.
A colaboración consiste en saír nunha foto de grupo de persoas da comunidade universitaria cunhas gafas de sol rosas, símbolo desta campaña. A foto colgarase en facebook, co obxecto de que a campaña cale nas redes sociais.
As persoas que desexen participar presentaranse o xoves 17 de outubro, ás 13 horas, na entrada do Edificio Administrativo. Precisamos que previamente nos comuniquedes a vosa asistencia neste enderezo, para que a organización poida traer gafas para todos os colaboradores.
Moitas grazas pola vosa solidariedade. Saúdos cordiais.
